واجبنا كمسلمين نشكر الله على جميع نعمه ونرضى بقضائه وان كان ضد رغبتنا لان الله اعلم بما هو أفضل لنا لكن للأسف بعض الناس تتميز بالقنوط واليأس والاعتراض على ماكتبه الله لهم. هذي الفئه من الناس تؤمن بأن الله لم يكتب لهم سوى كل أمر سيء يخالف أمنياتهم فتشوفهم دائما حزنين وكئيبين ومعترضين ومافي على لسانهم غير كلمة "حظي شين او حظي واعرفه مستحيل يضبط معي شي" وغيرها من العبارات السلبيه اللي تدل على عدم الرضا. او مثلا لو صار شي شين لناس يعرفهم وكان معهم يقول هالشي صار بسببي ي ليتني ماكنت معهم عشان مايصير كذا، يعني ينسب الاشياء السيئه لنفسه وبأنه سبب حدوثها. هذي الفئه أحب أسميها فئة "المتعطشون للشعور بالذنب"
المقصود بـ المتعطشون للشعور بالذنب:
هي فئة من الناس تحب تكون في منتصف دائرة الحزن وتؤمن بأنها محور جميع الامور السيئه في الحياة وتعتبر بأنها لاتستحق سوى التعاسه والحزن. هذي الفئه تلوم نفسها بإستمرار على اي حدث سيء يصير حتى لو ماكانت السبب فيه.
أسباب الشعور بالذنب:
- قلة الايمان بالله
- انعدام الثقه بالنفس
- تلقي اللوم بإستمرار وتقبله
- الاقتناع بأنه سبب حدوث الامور السيئه
- البيئه التي يعيش فيها
- الاحباط
- الضغط النفسي
هذي الفئة مقتنعه تماما بأن الحزن واليأس والشعور بالذنب هو الشي الوحيد اللي يناسبها ولو حاولت تغير هذا الشي راح تنتهي الحياة بمعنى اخر هذي الفئه تحب الدراما حيل وتحب تعيش دور المظلوم دائما. الشخص من هذي الفئه يحاول يبتعد عن الناس ويعيش في عزله عشان يحميهم من حظه السيء.
عزيزي القاريء اذا كنت من هذي الفئه ثق تماما بأن حزنك وتشاؤمك ماراح ينفعونك ابدا ولاراح يغير من واقع الامور شي بالعكس راح تخسر صحتك ويتشوش تفكيرك ونفسيتك تصير دمار وبالتالي تقل علاقتك بربك وتنعزل أكثر في جو الكآبه وتأنيب الضمير.
كيف تتخلص من عقدة الشعور بالذنب واتخاذ الحزن نمط معيشه لك:
- لاتنسى بأن المسئول عنك هو مدبر الامور الله سبحانه وتعالى. وبما ان الله هو المسئول عنك تأكد بأنه لم يختار لك سوى الامور الجميله اللي تخدم مصلحتك والامور السيئه انت مصدرها، تفكيرك واعتقاداتك وتصرفاتك هي السبب في الجو الكئيب اللي تعيشه.
قوي علاقتك بالله واشغل نفسك بالطاعات؛ حسن صلاتك وكثر من الاستغفار والدعاء وقراءة القران.
- اشغل نفسك بممارسة هوايتك وامور تحبها لان هذا الشي راح يساعدك في التخلص من المشاعر السلبيه لانك مشغول. لما تكون فاضي وماعندك شي تسويه راح تدخل دوامة التشاؤم والحزن وتزيد الوسوسه عندك لذالك اقتل وقت فراغك قبل مايقتلك.
- عزز ثقتك بنفسك لان لما تكون واثق من نفسك راح تقدر تغير افكارك السلبيه ولما تغير تفكيرك راح تطلع تدريجيا من دائرة الحزن والشعور بالذنب مثلا: استبدل انا فاشل، حظي شين، لازم اخرب مافي شي يضبط معي بعبارات مثل: انا ناجح، اذا ماحالفني الحظ هذي المره راح اجتهد وانجح المره الثانيه، انا استحق ان اعيش بسعاده وغيرها من العبارات الايجابيه المحفزه. شاهد فيديوات عن تعزيز الثقه بالنفس أو احضر دورات وأمسيات لها علاقه بهالجانب>في الانستا اتكلم عن هالامور
- عند تلقي اللوم والاتهام بأنك السبب في حدوث اي امر سيء حاول ماتقبل هذا الاتهام وتسكت بالعكس دافع عن نفسك ووضح بأن اللي صار خطأ الجميع وماكان مكتوب تحقيقه هالمره. دفاعك عن نفسك يخفف من عقدة الشعور بالذنب.
- ثق بأن الانسان اذا غلط في تصرف ما، طبيعي ينعكس ع اللي حوله بمعنى ان هذا الشي طبيعي ووارد في الحياة فلا تلوم نفسك كثير يعني عاتبها بحد المعقول>تكلمت عن الندم الصحي في الانستا
- حاول الابتعاد دائما عن الناس السلبيه والمحبطه واختلط اكثر بالناس الايجابيه والمشجعه.
- كون جدار واقي يحميك من تأثير الناس السلبيه واللي هدفها تحطيمك وتحملك الذنب.
- تخلص من الضغط بفعل الامور اللي تحبها وتهوين الامور في ذهنك عشان يقتنع عقلك الباطن بسهولتها وبالتالي يخفف من الشعور بالضغط.
- ابتسم دائما وان كنت مضغوط او زعلان لان الابتسامه تبرمج عقلك الباطن بأنك سعيد وبالتالي راح تتصرف وفقا لعقلك الباطن.
في الاخير ثق تماما بأنك تستحق حياة أفضل تستحق تكون مرتاح البال ومافي احد مجبور يعيش حزين لذالك ابتسم واضحك وعيش حياتك لان العمر اللي يروح ماراح يتعوض. والدنيا فيها أمور حلوه ومهمه تستحق تشغل نفسك فيها بدل ماتنعزل في دوامة الكآبه "اضحك للدنيا تضحك لك"
وثق ماراح يصير لك الا اللي ربي كاتبه فكن ع ثقه تامه بأن الله يختار لك كل شي جميل.
ولاتنسى حسن الظن بالله وصدق النيه لان الله يرزق كل شخص بحسب ظنه ونيته.
Note: What's written here is mine. It's the result of my readings and experiences so don't mention it as yours please. Express your admiration of my posts by sharing others but don't forget to mention my name ( kselfhelp.blogspot.com), I'll be grateful for this. Be as you want. Don't imitate others. Don't steal others' work and do your best for yourself.
ملاحظة: كل مايكتب هنا ثمرة قرائتي و حصيلة تجاربي فلا تنسب لنفسك جهدي وتعبي لك حرية التعبير عن اعجابك بما كتب هنا بمشاركته الاخرين و لكن بشرط ذكر المصدر (kselfhelp.blogspot.com) و لك جزيل الشكر والامتنان كن كما تود ان تكون ولا تصبح مقلدا يسرق جهد الاخرين !ابذل القليل من الجهد
